【本報訊】理大衝突中，60多名「守護孩子」成員對理大抗爭者不離不棄，決志要一直守護學生，共同進退。被困超過一日的守護孩子成員眼見單憑一己之力，無法拯救孩子於水深火熱中，於是拍片向國際請求緊急援助，「救救理大的孩子！」

有關片段上載於好鄰舍北區教會的facebook專頁，多名留守理大的守護孩子成員親自講述理大的慘烈情況，「我幾十歲人，未見過咁恐怖嘅畫面，啲小朋友俾啲水炮車射完，上到嚟幫佢哋沖涼，我感覺到佢哋啲皮膚係滾嘅，個個叫晒救命，有啲仲話『情願一槍打死我啦，太痛啦』，嗰啲人好年輕，好多唔夠20歲，佢哋係有理想，希望各界救下佢哋」。

致電家人交代後事

另一名成員亦哽咽說：「見到啲後生仔一個個咁受傷，仲要昏迷咁被抬上嚟，有啲好痛苦咁求救，佢哋好細個好後生，仲喊晒，個個個心都好痛，啲年輕人受好大傷害，出面啲人可以幫下佢哋嗎？」

守護孩子成員前晚在理大校園決志要與學生共同進退，誓要「保護每一個想返屋企嘅人」，部份人更致電家人交代後事，有人哽咽落淚。成員之一的子揚表示，部份留守者並非勇武派，而是一心守護校園的人，批評警方定性所有人是參與暴動者。他又批評警方圍封理大所有出入口，令所有人無法離開，「醫護聽差佬講（離開）就俾人拉晒，點敢行？」擔心會出現流血衝突，甚至成為「翻版六四」。

年輕人亦設法自救，學生動源召集人鍾翰林昨晚聯同香港獨立聯盟召集人陳家駒赴台，尋求台灣支援本港的抗爭者，呼籲台灣政府政治庇護港人。學生動源要求台灣政府盡快通過《難民法》，並根據《港澳條例》第18條壠動庇護港人程序。
■記者譚美芳