【明福俠有新搞作】黎明fb預告合作 林海峰：請我必要來
蘋果日報 2020/06/16 20:33
黎明林海峰明福俠
黎明自從4年前開通facebook後，一直以明福俠亮相，但未知近排是否忙於湊女關係，他自3月開始，未有再po帖，直至昨日，黎明終於「出關」，在facebook貼了一條17秒的預告片「有幾多人要求顧家？」、「同居、結婚=顧家」及「顧家不止有我們」等字眼，片段尾聲有四個公仔頭出現，其中一個光頭公仔撕爛後原來是Leon。
今日，黎明再有另一條11秒預告片，此片跟上一條內容相若，其中一個公仔撕爛後原來是林海峰，但依然未公佈兩人有甚麼搞作，貫徹黎明一向神秘作風。而林海峰亦在IG貼出跟黎明合照，相中環境似在片場，黎明一身白衫白褲，而林海峰則一身便服。只見相中黎明指手劃腳似乎叫人怎樣為他們合照，但卻剛巧遮了自己的樣子，林海峰搞笑留言：「黎明請我必要來。」而片中還有另外兩個公仔身份未揭盅，未知明日會否再有公佈呢！
黎明今日預告將和林海峰合作。（facebook圖片）
還有兩個公仔賣關子。 （facebook圖片）
林海峰亦有在IG留言指黎明嗌到，一定會來。（IG圖片）