女兒就像爸爸的前世情人，4年前因石硤尾邨美映樓大爆炸受傷危殆的消防員王耀祖，女兒王悅曈當年只有7歲，事隔4年，爸爸臉上的傷是痊癒了，但女兒內心卻留有一道抹不走的疤痕，所以，曈曈多年來的父親節心願都是：「我只係想佢平安返屋企。」

熱愛跳舞的曈曈仍然記得，當年爸爸發生意外後，翌日便要參加大型跳舞比賽，時至今日，她仍然忘不了當時的恐懼，但阿祖卻形容，當時女兒的表現堅強得難以置信，「佢嗰時錄咗段片俾我，話『我會俾心機跳啦爸爸，聽日會攞個獎返嚟』，而且佢真係做到，拎到金獎。」舉手投足都相當大體和成熟的曈曈，在當年7歲的心智下，埋藏著一顆比成人更成熟的心靈，不過，生死別離永遠都是一剎那，今天看著爸爸出門上班，誰知道還能否看到他回家？

「佢會叫我，爸爸返工小心啲，多咗問我，爸爸你今日返工做過啲咩，我咪答佢又唔係每日都有（意外）嘅。」阿祖笑言，自從意外發生後，曈曈的確「管得仲嚴咗」，她笑道：「咁有時佢話『曈曈，我落街一陣好快就返』，點知成兩個鐘都未返，我咪打俾佢問佢喺邊囉……咁爸爸係消防員，唔知外面會發生咩事，又唔可以督促住佢，我又細個唔可以管爸爸，爸爸又要返工，我只係希望佢安全返屋企。」

阿祖看著這個女兒「老積」到不行也禁不住說：「以前就阿媽管我，娶老婆之後就老婆管，依家連個囡都管埋。」雖然他口裡說著女兒是管家婆，但這位慈父卻坦言，一輩子都離不開她，「咁阿囡第時識男朋友唔得閒理你咁點算？」記者問。「如果你將來搵男朋友，你搵到一個好似爸爸咁就得啦！因為你唔係一個容易相處嘅人，所以你搵一個好似爸爸咁嘅性格嘅人就啱啦！」阿祖說。

採訪：林穎嵐 攝影：麥超億
鳴謝：SDM爵士芭蕾舞學校（石門分校）提供場地

你敢爆，我敢獎！ 即Call《蘋果》24小時爆相爆片熱線 ：63836568