「SING之天使」出道嘅Coffee林芊妤，近年轉行做瑜伽導師嘅佢，發展好似比喺大台時更好，唔經唔覺Coffee踏入娛樂圈都已經十年，可能因為佢身材出眾，喺圈中都算係桃花旺盛。

Coffee先後同過金剛、《東張西望》嘅維穩助導林肯、江湖猛人上海仔郭永鴻等傳緋聞，但佢嘅初戀男友，係同樣喺大台工作嘅羅天宇，二人更曾經一道被朋友「唔小心」流出親熱照。不過講到真感情，Coffee同藝員訓練班出身嘅潘宗揚拍拖都好認真，仲視對方為結婚對樣，可惜拍拖年半就被飛，期後一年Coffe同富二代林知譽傳出一段霧水情緣，不過事過境遷，林知譽16年已經同針織大王後人羅穎怡拉埋天窗。

兩年半前，Coffee又同半億金融才俊Jeff傳出戀新情，二人多次被影到拍拖睇戲一齊外遊。不過近年出現過情史，得Coffee承認嘅戀情，就只有前年中開始拍拖嘅6呎爆肌男友Weng Chak。Weng係澳洲出生嘅馬來西亞華僑，05年喺墨爾本大學畢業之後，曾經喺摩根大通同荷蘭銀行做過，o依家喺滙豐銀行總行做副總監。

精選娛聞，喺晒《娛果》
http://fb.com/appledailyent