季初一直奉行打快攻的蘇偉賢，剛周三（13日）晚谷草如非「笑眼光」後上僅影輸，配合「競駿時代」又有兩Win進賬，故不失係馬迷季初一個好選擇。

周六（16日）賢廐雖然出馬唔多，但有開鑼日（3日）一出即勝充滿星味的「同得福」匆匆再登場初升跑三班，但有利係只孭120磅，比較上場少九磅。

雖然更要面對剛贏同程的「多紅利」，不過相比下只造出56秒61時間，而「同得福」大勝四身位造56秒28，明顯級數高出一截。

可配合攻勢的有「醒蹄飛」，老馬利季初，以及評分由高位91分回落到三班80分，屬於兩大賣點，上季一出即勝亦反映本身休後特強。

睇唔透係「友享友賞」，呢匹四班自購新馬上季兩戰無睇頭，但暑期由雷神接手試閘有前有後，較上季有不一樣的走勢。