現年57歲的歌手鄭敬基自去年抗爭運動以來一直為社會發聲，擁有加拿大國籍的他前晚在社交網，貼出與太太及愛犬的合照，宣佈已返加拿大居住。他回覆《蘋果》時表示：「想同一啲加拿大嘅國際組織為香港爭取多啲嘢先，亦都會睇住《國安法》嘅發展，睇吓會唔會郁手去做啲乜。」

鄭敬基表示會轉打國際線，昨日更在社交網留言自稱是個流「忙」歌手。原來他在7.21前兩日，在加拿大街頭搞了一個毋忘7.21的街頭活動，高呼：「Stand with Hong Kong！我哋唔需要好沉默，因為呢度係加拿大！」片段隨即在藍絲網上瘋傳，有網民更留言建議篤灰：「直接將條片send畀中央審查組，等佢呢世都返唔到嚟香港及大陸。」昨日《蘋果》聯絡鄭敬基，問到會否感到害怕？他說：「唔驚嘅，但呢度社區好細，唔知你行出去，同你打招呼嘅係咪藍絲group。」他直言由於不少港人移民加拿大做生意，與內地有聯繫，部份敢怒不敢言：「呢邊太多市場係靠住內地做生意，例如超級市場、買屋、買車，佢哋起居飲食有關連，佢哋都唔敢太揚咁講。」