【中亞土庫曼國寶】跑得快兼有韌力!汗血寶馬值1.2億港紙
汗血寶馬
寶馬大家又聽過未,唔係講跑車,世界上真係有寶馬,講緊係極珍貴嘅汗血寶馬。
即係史書記載,來自中亞國家土庫曼嘅阿哈爾捷金馬,係世界上最古老嘅馬種。
因為表皮薄加上血管凸出,高速跑嗰陣體溫由攝氏38度升高到45度。
血液喺血管入面流動,視覺同感覺上都好似流血,被稱為汗血寶馬。
汗血寶馬喺中國已絕跡,土庫曼只有3,000匹左右係國寶,國徽中央都印上汗血寶馬。
正所謂物以罕為貴,曾喺拍賣會以1,600萬美金成交,相等於1億2千萬港幣。
Model身型標緻,四肢修長且線條優美,全身毛髮都散發黃金光澤。
另一值錢地方係速度,汗血寶馬有速度又有耐力,每日跑到150至200公里,最快記錄係84日內完成4,300公里。
牠們速度快之餘,更加耐力驚人,分分鐘汽車跑到冇油,汗血寶馬都仲跑緊。
即使喺攝氏50度高溫下,一天只需飲一次水,喺1998年一場3,200公里,賽期60天嘅比賽。
54匹參賽汗血寶馬都堅持跑到終點,唔單止跑得,簡直仲勁過啲巨肺天王天后。
-----------------------------
邦民日本財務急你所急,只需要一個手提電話號碼同一張身份證#就可以申請貸款。
推廣期由2020年9月1日至2020年10月31日(包括首尾兩天)
須受條款及細則約束,詳情留意邦民日本財務(香港)網頁。