在美國大收的迪士尼電腦動畫《怪獸公司》，將於農曆新年期間在港上畫，電影公司早前邀請鍾鎮濤、李彩樺及DJ森美等人，為電影作粵語配音，大扮怪獸。而首次為卡通配音的鍾鎮濤更可乘機搵銀一番。

迪士尼電腦動畫《怪獸公司》將於農曆年期間在港上映，日前電影公司找來鍾鎮濤（阿Ｂ）、李彩樺及商台DJ森美等為電影作粵語配音。阿Ｂ將會為主角長毛怪獸Sulley配音，李彩樺則配蛇髮美人Celia，至於森美則聲演長毛怪獸助手單眼怪Mike，而大反派怪獸Randall則由雷宇揚配音。

帶子女觀賞
有傳阿B近日向前妻章小蕙爭取一對兒女的撫養權，加上阿B仍然欠債，不知是否這個原因，阿B近日積極搵銀，接了迪士尼電腦動畫的配音工作。昨日阿B在電話中說：「我配咗幾日，過程好開心同好好玩，喺戲裏面我其實係個好人，但係我嘅工作係要嚇啲細路仔，我都諗住帶我啲小朋友去睇呀！」
日前有報道指阿B擬向前妻章小蕙爭取一對子女的撫養權，對此阿Ｂ說：「唔講啦！你知我不嬲都唔講呢啲嘢，多謝大家關心。」
而亦是第一次參與卡通動畫配音的李彩樺則說：「今次我覺得好好玩，戲中我把聲唔係扮細路女，而係要扮個二十幾歲嘅女人，重要好溫柔㖭。」

美票房大收
《怪》片去年十一月在美國上映，即成為去年全美票房第三位，以十八億四千萬港元票房，僅次於《哈利波特─神秘的魔法石》及《史力加》。
採訪：蔡如玉