前央視名嘴崔永元揭開了明星避稅逃稅內幕後，范冰冰被消失了好幾個月，而馮小剛亦一直冇露過面，直到上個月大陸稅務局公開調查結果，范冰冰只受到行政處罰，只需繳交約9億罰款就唔使坐監，而馮小剛喺冰冰出事後一直神穩咗好耐冇露面，後來有人喺香港見到佢，原來佢已經喺香港住一段時間，直至范冰冰處罰結果定咗落嚟，日前馮小剛先肯喺湖南露面。

好多人話稅務單嘢，馮小剛同華誼公司老闆王中軍、中磊兩兄弟都好麻煩。早兩個月佢哋三個人經常喺香港出現見一啲金融界朋友，唔知係咪想搵投資公司融資。中軍兩兄弟偶然都會露下面，馮小剛就真係影都唔見，直至日前佢喺湖南韶山參加一個文化活動之後，先特意去毛澤東故居參觀，又去廣場致敬及獻花，表達緬懷之情。

不過有網民認為馮小剛選擇親赴湖南給毛主席獻花是想藉此為自己洗白，爭取廣大網民的諒解以爭取東山再起。因為喺崔永元的持續炮轟之下，依家嘅馮小剛畢竟係千夫所指，網上罵聲一片，他拍的《手機2》也聽聞撤出明年賀歲檔。而崔永元尋日喺微博發兩張配圖分別係華誼兄弟嘅股價圖同華誼兄弟嘅市值蒸發圖，以證華誼公司股價跌得很殘，他說：「我覺得，就是因為太狂，老天都看不下去了。」

精選娛聞，喺晒《娛果》
http://fb.com/appledailyent