周星馳嘅賀歲片《西遊.降魔篇》喺尖沙咀開記者會,星爺、舒淇同羅志祥齊齊出席,現場播咗啲舒淇唱主題曲嘅片段,星爺仲自爆有客串一個鏡頭,不過化咗特技妝,應該冇人認得出。咁大家落足眼力喇!舒淇係《西遊.降魔篇》嘅女主角,飾演降魔女俠段小姐。羅志祥就飾演空虛公子,小豬表示自小就會睇星爺嘅戲,今次可以咁近距離同星爺接觸,感覺好奇妙。
星爺做咗CEO之後少拍戲又少露面,不過是非一樣多,除咗同于文鳳分手兼搞到有追債官非外,王晶早排話佢愛錢多過電影,星爺就答:「錢,係鍾意嘅!電影一定要拍得好先有錢,係冇得求其拍,其實我同佢(王晶)唔係好熟,唔方便講太多。」至於于文鳯單是非,佢就話:「呢啲點會公開講喺度講。」
【齊齊投選2012年娛圈風雲人物】
入面粒粒巨星,你想咀佢,定想掟蕉過去?XD
http://bit.ly/ent_2012 (電腦版)
http://bit.ly/ent_m2012 (手機版)