早前有消息指韓國會將經典韓片《我的野蠻女友》翻拍成劇集，令粉絲超期待，好想知道劇集版會由邊個做全智賢同車太鉉嘅角色。今日謎底揭曉咗一半，男主角係《龍八夷》嘅周元，呢套仲會係佢當兵前最後一部作品！

女主角暫時未知花落誰家，之前全智賢演得咁好，相信接手嗰個一定有壓力。據知劇集版仲會搞搞新意思，唔拍時裝，改拍古裝，即係開拍古裝劇《我的野蠻女友》，諗起都覺得搞鬼！知情人士說：「周元會展示同電影版中角色完全不同嘅魅力。」

劇集版將於7月開鏡，仲會趕上潮流同《太陽的後裔》一樣，採取事前100%製作，即先拍後播嘅形式，預計之後於中、韓、日三個地方同時播出。