新一屆港姐又嚟面試，雖則唔知今年賽制係點，不過初選同複選嘅候選人，已經先「色」奪人，真係發夢都仲記得個間尺鼻呀。

至於民選港姐朱千雪，呢排都係忙緊返學應付考試，原來今日仲係千雪BB 29歲正日生日，佢同岑杏賢、蔣家旻一齊切蛋糕慶祝，餘興節目去邊度？原來壽星女去咗冒險樂園玩遊戲贏禮物獎券，見佢拎到成手都係，今年生日禮物，千雪BB應該大豐收囉。