究竟係谷緊套新劇，定係森美真係有病？日前先至「驚爆」，話森美有戀足癖，仲有成班高登仔話要將佢「依法懲治」。咁嚴重？人家都話啲相係公開擺放，唔係「自用」；而且影嗰陣亦得到當時人同意(咪住，有一張係影某位阿太嘅，就唔知有冇得到當事人同意喇。)

點知，今日又有報道，話森美患上家族遺傳嘅抑鬱症，仲已經發病3年，拍檔小儀仲爆佢患有專注力失調症，聲稱係商台同事嘅二五就指森美成日無啦啦發脾氣，又鬧人又掃晒啲嘢落地，令人人對佢敬而遠之；《法》劇演員就話森美平時等埋位嗰陣成日好眼瞓，又少出聲，同劇嘅陳煒更加話影腳可能係森美提神嘅方法。講到森美好似借戀足減壓治抑鬱咁﹗

其實森美喺訪問中已直認，佢係患咗抑鬱症，而且已經係三年咁耐。佢話﹕「我係有情緒病，抑鬱症，我有睇醫生，我有專注力失調症，好難集中精神，同埋幾年前有抑鬱。我仲有食藥，醫生話係遺傳，食咗幾年，開始慢慢好番。」

森美雖已否認戀足，但仍然俾人咁講，無奈之餘，又玩改圖，整咗張《法》劇截圖，自己加埋設計對白。圖中陳敏之箍住森美想制伏佢，森美就大叫﹕「唔好捉住我，我要影腳呀﹗」陳敏之就勸佢﹕「我俾你影喇﹗」就連鄧梓峰都甘願犧牲﹕「俾埋我條你喇﹗」


【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 (電腦版)
http://bit.ly/ent_m2012 (手機版)