【本報訊】政府建議下屆問責局長加人工，由現時月薪約29.8萬元大幅增加至33.5萬元。立法會議員林卓廷指，現屆問責局長的表現市民「有目共睹」，如教育局局長吳克儉推洗腦國民教育、小三TSA；劉江華光速批地批錢予青少年軍，「應該炒魷魚啦，仲加人工？」逾千名網民反對政府建議，有人更反建議官員薪津與民望掛鈎，採用可加可減機制，又稱以後不想再交稅。
林卓廷指不少現屆問責局長的表現惡劣，若按照問責制度，不少人應該為過失負政治責任，惟他反問「有炒過人咩？有邊個局長為過失負過責任？」

議員勢阻加薪議案

他指發展局陳茂波被踢爆其家族在新界東北發展區囤地、其妻子經營非法劏房，但無任何懲罰，「仲有譚志源（政制及內地事務局局長）咁多年做過啲咩？我真係冇印象喇」。林卓廷建議政府有自知之明，「唔係加薪係減薪」。
立法會議員毛孟靜直斥加薪不知所謂，她指就算現屆民望較高的食衞局局長高永文，在處理動物權益議題上，「當冇嘢，求其過議案」，她本人十分反感，強調會阻止議案通過，「點都唔會贊成，點知吳克儉、陳茂波會唔會連任？」
大批網民反對建議，絕大部份人斥吳克儉、陳茂波、劉江華無資格加人工，「加乜呀！炒晒佢哋就真」，又指高官一直無處理好民生事務，更有網民建議官員要加薪需有好表現，若民望低需減人工。
■記者廖梓霖