快閃在歐美風行多年，卻沒有在港掀起多少火花。大埔兒童合唱團音樂總監羅寶欣（Bobo）去年因緣際會成立「WAO」，招募一班年青人在區內嘗試快閃表演，區內街坊甚為受落，連「菜檔姐姐」也隨音樂起舞，令他們更有信心藉快閃和音樂發放正能量，更希望加強社區連結，路人不再自顧看手機直行直過，「多啲關心身邊嘅人同事」。

記者：袁樂婷

WAO是「WeAreOne」的縮寫，顧名思義要拉近人與人之間的關係，因此選擇的表演場地都是大埔中心、大埔海濱公園等人流較多的地方，務求貼近生活。

快閃表演是Bobo為區議會籌辦活動「歌聲亮大埔」時衍生，因反應熱烈，故她在活動完結後成立WAO，繼續招募年青人參加，「唔一定要唱歌跳舞好叻，最緊要肯放膽嘗試」。相比練得一身好舞技，她更重視年青人是否有個人成長、建立自信，「一首歌有唔同和弦，就好似有唔同性格同專長嘅人，夾埋一齊就會靚」。

要感染他人，首先團員之間不可有隔膜。Bobo準備不少破冰遊戲，「唔會畀機會佢唔出聲，嚟得幾次就會融哂佢嘅防護罩」，笑言「留得喺度嘅面皮一定要夠厚」。她說，舞台表演時如做錯動作會十分顯眼，但快閃包容度高，「有啲動作唔記得咗都冇所謂，繼續郁身郁勢，同觀眾保持互動」。

WAO不定期在公共空間現身，音樂響起便聚集起舞，很多時邀請觀眾參與，例如玩人浪等。街頭表演與觀眾的距離遠比舞台近，每個反應都很真實，「試過有個伯伯話『跳完架喇？』隔離即刻有另一個伯伯搭嘴『呢啲叫快閃，你都唔識嘅』，聽到會覺得好得意」。

不過，仍有不少路人活在自己世界，他們試過十多人在大埔中心地下突然「定格」，但一直沒人理會，直至其中一人大聲扮打噴嚏，才終於驚動旁邊路人急急「彈開」，繼而發現異樣，但兩秒後又無聲離開，「其實藝術就喺身邊」。

參與WAO的不少是教育學院學生，音樂教育系的Sunny說，初時以為「表演一次就算數」，結果一試上癮，「音樂應該畀到人享受，令人眼前一亮，喺快閃我感覺到呢樣野，覺得自己帶到歡樂畀其他人」。

他更找來同是教院學生的女友Christina一同參與。Christina仍未正式「出道」，但已做過多次觀眾，「賣菜嬸嬸都會一齊跳，有時又會聽到人講『啱喇，年青人就係要做呢啲野』」，觀眾的熱情令她充滿期待。她自言手腳不靈活，初時舞姿略顯僵硬，但團員沒有嫌棄，更主動替她補習。這大概就是Bobo常掛在嘴邊的「bonding」。

音樂科教師王耀榮（Fi）在WAO負責排舞。雖然日常工作已相當忙碌，他仍堅持每周排練，樂在其中，「出咗嚟做野好少機會咁多人一齊玩，走向觀眾yo下佢，只要佢肯跟住郁、肯畀反應，你已經好開心、好放鬆」。

WAO專頁： http://on.fb.me/1AoRmye