近年社交平台影響力非常具大，滙豐今日推出咗個好似論壇嘅平台叫做「滙豐機滙」，畀中小企及初創等post文章，仲有個活動版畀大家share活動資訊例如工作，唔通想整個銀行版嘅連登？

平台文章涵蓋好多範疇，包括財務、法律、營銷、管理等。滙豐工商金融主管趙民忠話，呢個平台可以畀中小企互相聯絡，令到滙豐唔止為中小企提供資金上嘅支持，仲有資訊提供，暫時嗰個只係測試版，歡迎大家喺逆境交流心得咁話。

有喺呢個平台post文嘅IT達人方保僑就笑這滙豐可能想搞個連登出嚟，亦覺得呢個平台諗頭都算新穎同簡約，估計滙豐會feature啲文章去其他社交平台。不過佢認為個平台可以新增留言功能，多啲互動，但就要請啲人返嚟管理囉。

李華華