小兄妹的感人故事今日刊登後，不斷有熱心讀者主動聯絡《蘋果》，表示希望提供協助。讀者Suki表示，希望向兩兄妹送上零食包及海洋公園門票作聖誕禮物，Suki透露，自己工作需接觸單親媽媽，了解該對小兄妹繼明與若婷的媽媽獨力照顧子女的苦況，她希望略盡綿力，在聖誕節為兩兄妹送上禮物，「雖然佢哋嘅聖誕老人已經唔喺度，但係聖誕都應該開心過。」Suki明白港人對單非家庭的看法，惟小孩子不應因此受到歧視。

另一讀者陳小姐則對報道感同身受，只因丈夫一直以來都充當自己和9歲女兒的聖誕老人，她嘆道：「如果老公走咗，情況都係同佢哋一樣。」最讓陳小姐心痛的是，年僅12歲的繼明，已立志當妹妹的聖誕老人，「佢只係中一生，咁細個就經歷咁多嘢，其實係被迫長大。」因此，她打算送出食店及超市現金券，以及女兒的舊書，讓兩兄妹過一個快樂聖誕節。

想睇最新消息？　即時follow【現場－蘋果突發】 fb！ http://fb.co/applecitycrime