「打工皇帝」個名聽落好勁，但講到尾都係打工仔一名，盤生意交唔到數嘅，人工當然要有所反映！於一眾藍籌公司中，2013年度共有10位「打工皇帝」要減人工，減得最甘嘅係利豐（494）行政總裁（CEO）樂裕民。

呂志和酬金也縮水

利豐三年又三年，去到新「三年計劃」都仲未翻身。機會就俾咗樂裕民，但業績仍然死氣沉沉，難怪上年被減薪55%至308.5萬美元（約2,406萬港元）。唔知佢家中位嬌妻李玟（Coco Lee）會唔會表示不滿呢？
另外，雖然濠賭股2013年度超省鏡，但銀娛（027）主席呂志和人工唔單止冇水漲船高，反而仲少咗！據銀娛去年年報，呂志和董事酬金由2012年的3,523萬元，下調至2,924萬元，減幅達17%。
至於呂耀東的董事酬金亦減少16.6%，至4,191萬元。不過呂志和受惠銀娛股價大升，賬面身家追貼超人（李嘉誠），人工收少600萬元，其實都係濕濕碎啦。

【壹錘定音.李慧玲】6月4日正式開咪！
收聽方法：請留意【壹錘定音】facebook專頁！
https://www.facebook.com/hammerout.hk