韓國男團EXO前日開始、一連三日於東京巨蛋開騷，而隊長Suho就於演唱會上赤裸上半身，大方騷其結實嘅腹肌，勁！

Suho一直被指外型白淨，更被粉絲稱為「比女人更靚」嘅花美男，不過令人意外嘅係佢於「天使臉孔」下，暗藏魔鬼身材，前日更於演唱會上首次公開腹肌，即時引起全場尖叫。當晚Suho表演到中間，佢就赤裸上身，只穿一件黑色外套就開始表演，之後更揭開外套，大方騷肌，似係決心要轉型當肌肉男。

另外，EXO早前宣佈跟《星球大戰》第7集《星球大戰：原力覺醒》（StarWarsEpisodeVII：TheForceAwakens）合作推出新歌，噚晚於節目《演藝家中介》中率先公開部分MV。