最近收到風,話Mazda代理為慶祝30周年,喺今個周末又有新Offer推出喎;呢勻嘅主角就巴閉啦,因為全部都係跑車嘛!好似兩部06年製、配雙轉子引擎嘅紅色RX-84座位跑車咁,佢哋雖然係陳列室試車,兼行咗40km,但保養甚佳,內外有如新車一樣,叫價僅$339,900,相比起原來$398,800足足平咗5萬幾!另外兩部分別係銀色軟篷嘅MazdaMX-5,同埋灰色嘅電摺硬頂MX-5RHT,亦都喺今次嘅陳列車車展中,以吸引價發售。前者06年製,行車里數約40公里,叫價$268,800,比原價平咗4萬;而後者嘅行車里數則稍多,達1,400km,但減幅則達$49,800,叫價為$299,000而已。