【名 Chat】馬美儀挑戰孩童
蘋果日報 2015/10/19 00:00
時裝女王Joyce Ma的女兒馬美儀（Adrienne）對時裝有一團火，新搞作是引入丹麥童裝品牌Molo來港，新店剛進駐中環ifc，早前於新店舉行迷你時裝騷，Molo創辦人Mogens Jepsen專程來港主持大局，Adrienne也親自打點並接受訪問，大談童裝經。
在時裝界打滾多年，Adrienne由high fashion走到做affordable的童裝，她說：「做零售就好似音樂一樣，有唔同表達方式，今次同識咗十幾年嘅朋友Morten Christensen一齊拎咗Molo亞太區代理權，因Morten同Molo創辦人Mogens Jepsen份屬好友，見面之後一拍即合。之前我未接觸過童裝，呢個品牌有設計、講究質料同價錢affordable，主攻初生到16歲青少年，引入新品牌希望可以畀父母同小朋友更多選擇。𠵱家嘅小朋友好有主見，又充滿想像力，Molo設計充滿創意，正好畀佢哋發揮天馬行空想像力。」
在時裝界打滾多年，Adrienne由high fashion走到做affordable的童裝，她說：「做零售就好似音樂一樣，有唔同表達方式，今次同識咗十幾年嘅朋友Morten Christensen一齊拎咗Molo亞太區代理權，因Morten同Molo創辦人Mogens Jepsen份屬好友，見面之後一拍即合。之前我未接觸過童裝，呢個品牌有設計、講究質料同價錢affordable，主攻初生到16歲青少年，引入新品牌希望可以畀父母同小朋友更多選擇。𠵱家嘅小朋友好有主見，又充滿想像力，Molo設計充滿創意，正好畀佢哋發揮天馬行空想像力。」
Molo早前在新開店舖搞了一場mini show。
Mogens向子女取經
至於Mogens曾於一家擁有二千名員工的公司，擔任零售部門總裁，02年創立Molo，現在品牌全球擁有650個銷售點，獲珍妮花洛庇絲（Jennifer Lopez）和Gwen Stefani等星級媽咪力撐。談到當初為何創業，Mogens說：「因二女出世時，太太投訴買不到心水童裝，名牌又太貴，平價童裝質料又差，當時正想創業，於是便開始做童裝生意，現在我有三個子女，他們都給了很多設計靈感。」
文：顏英儀
文：顏英儀
珍妮花洛庇絲一對子女也不時穿Molo。