ViuTV《美選D.n.A》決賽將會喺聽晚假將軍澳邵氏片廠舉行，撞正無綫舉行《萬千星輝頒獎典禮2016》。雖然係咁，但係8位佳麗同《美選》幾位司儀方力申、郭偉亮、火火同表演嘉賓薛凱琪（Fiona）今日喺邵氏舉行拜神儀式，8位Angel和Devil暫且收起性感，只露腰示人。

擁有35F驕人身材、有「巨胸翠如」之稱嘅鄧月平被視為賽前大熱，佢話自己心情緊張，仲透露噚晚8位女仔綵排時都喊：「大家睇番半年來嘅成長片段，由冇乜招呼打去到好清楚大家，我好唔捨得Daisy（羅伊婷）同沙律（張沛樂）。」鄧月平坦言冇信心入三甲，睇好陳意嵐，因為一直對大熱稱呼都覺得太重孭唔起。