為咗賺人民幣，你可以去到幾盡？農曆新年快到，曼城最近為咗討好強國人民，搵咗阿古路、奇雲迪布尼、戴爾夫同赫特拍片，食吓中國菜扮有節日氣氛。佢哋見到啲食物，已經忍唔住露出厭惡嘅表情，食完豬耳、鴨舌同鳳爪之後，仲好似就快喊出嚟咁；而戴爾夫仲話覺得鴨舌幾似自己啲手指。難為佢哋食完仲要笑笑口用中文同球迷拜年；而藍月亮更宣佈今夏會到中國獻技。曼城喺周三宣佈，中場拿斯尼落選歐聯16強大軍名單，佢個位就由射手伊恩拿祖補上。