如果大家仲記得，喺今年元旦舉行嘅一個音樂頒獎禮上，填詞人黃偉文（Wyman）喺台上分享佢寫《女神》首詞畀鄭欣宜，係一個處心積累20年嘅報恩計劃（新聞連結： http://bit.ly/2sPXQqx ），勁派洋葱之餘，某程度上係冧豬嘅。

估唔到，Wyman噚晚再嚟一個深夜爆料，爆出自己為一位男歌手填詞，係一首用嚟冧太太嘅專屬歌詞。事件主角係
張智霖（Chilam）同袁詠儀（靚靚），話說Chilam同靚靚於01年喺美國註冊，當年沒有婚禮、沒有酒席、沒有任何儀式，但兩人相愛至今！原來Chilam喺03年特別唱咗呢首《未婚妻》，背後有一個浪漫故事，係靜悄悄送畀老婆靚靚嘅禮物，屬於佢哋兩個人嘅主題曲！

Wyman喺社交網爆料：「是的，是2003那一年Chilam找我特別訂製的作品，送給袁小姐，也用『不公告天下』的方式來公告天下他倆的關係。於是便有了這一首最真誠的白描，而且，因為，也許，我寫的時候也放進了好多我自己進去，所以我也好喜歡。」

當年呢首《未婚妻》推出後，沒冇上過電台流行榜十大，更加沒有攞過金曲獎！Wyman寫道：「超過十年過去了，張先生在演唱會中將這歌輕輕一唱……的又再幾年後，卻讓好多人發現新大陸一樣，神奇地在網上瘋傳，尤其是內地的。2011我宣佈舉辦Concert YY之後，第一個主動給我溫暖鼓勵『有需要隨時搵我』的人是張智霖，我卻因為怕自己的作品不夠受歡迎，累他未能賺得足夠掌聲而擔心，不敢魯莽地把《未婚妻》帶上舞台。現在一想，如果這首歌早一點在作品展前被『平反』，或者我不會那麽懦弱……還未聽過這首的，可否請你現在給我學一下，好讓我在2022年夠膽打電話給張智霖……」

2011年，Chilam開演唱會公開演繹《未婚妻》，台下嘅靚靚拍手和唱，感動到哭了！Wyman將呢條片貼埋社交網，網友睇完Wyman嘅撰文再睇片，紛紛留言大讚歌詞到肉，Chilam仲係第一個留言回應：「多謝你，Wyman！」

張智霖《未婚妻》歌詞節錄：
「與你愛到第幾多年 親吻亦會心跳
無需請客那麼招搖 在宴會上炫耀
肥皂劇那般展覽故事一向沒有需要
因愛會給時間証明 庸人別在自擾」

此外，Wyman噚晚約咗李嘉欣、鄭秀文（Sammi）、吳君如、余文樂飯聚，Sammi將合照貼社交網，但就影到大美人嘉欣鬆郁濛！Sammi留言自嘲：「自己揸機，係咁上下差㗎喇！（鬆郁濛是常態）好彩嘉欣唔嫌棄影得咁差。」網友卻讚：「鬆郁矇之下，都咁靚女，就真係好靚女了，嘉欣真係靚呀！」