韓國19禁搞笑綜藝節目《SNL Korea 8》不時惡搞當時熱播嘅劇集，就好似《太陽的後裔》、《雲畫的月光》都被有惡搞版，而近期熱播嘅tvN新劇《鬼怪》就成為最新「受害人」，《SNL Korea 8》拍成嘅惡搞版於上周六於節目中播出，引起觀眾熱鬧討論。

搞笑藝人金俊賢就扮演孔劉嘅鬼怪角色，但劇情就變成金俊賢飾演嘅鬼怪係一個「吃貨」狂食嘢，搞到飾演鬼怪新娘嘅搞笑藝人全藝琅成日要捱肚餓。而《鬼怪》惡搞版嘅鬼怪新娘召喚鬼怪嘅方法都有少少唔同，除咗同劇集一樣鬼怪新娘吹熄蠟燭後鬼怪就會出現外，惡搞版中鬼怪新娘只要整熄啲火，鬼怪就會出現，包括關瓦斯爐，亦因為燈同火喺韓文係同音，所以就算鬼怪新娘熄燈，鬼怪都會出現，埸面搞笑。

不過惡搞版嘅《鬼怪》亦好注重細節，就連《鬼怪》金高恩成日着校服及戴紅色頸巾、孔劉嘅衣著打扮等等都跟到足，相當用心。