韓國五人女子組合SPICA嘅27歲成員楊知元，噚晚發生車禍，據知楊知元因為太累關係而揸車，導致三車追尾事故，引發了網民嘅熱話，唔少網民估計佢有機會飲酒後駕車出事。

而今日負責調查嘅首爾江南警察局工作人員就話：「7月2日晚11時30分左右(韓國時間)，楊某喺聖水大橋從狎鷗亭至聖水洞嘅方向，引發咗三車追尾事故，經查明後，佢唔係酒駕。」

當天楊知元乘坐自己座駕前往位於金湖洞住宅嘅途中，接連撞上等紅燈嘅兩架計程車。楊知元因為事故導致右手手腕疼痛，被移送至附近醫院，其餘四名計程車司機等人亦受輕傷。

而楊知元於2008年以演員出道，並與SPICA成員於2012年出道。