馬壇神童蔡明紹近期手風轉順，剛周日(22日)四喜臨門，當中三W來自東廐，助師傅告東尼爭取冠軍練馬師邁進一步。本周六沙田日賽，告仔有不少實力馬列正選，因吳嘉晉停賽關係，師兄蔡明紹將擔當重任，唯獨出戰三班1200米的後勁怪物「英勇大師」，縱使主理騎師韋達亦要停賽，今晨(25日)仍由蔡明紹策騎出操，但帥權卻落在郭能身上。
「英勇大師」馬主施雅治曾話過，愛駒跑埋上一場便會唞暑，但若然告仔想衝擊冠軍，便會再派牠上陣爭功，所以此駒本周六再出，代表着告仔爭冠嘅決心。不過，近四仗策騎「英勇大師」取得兩冠兩季的韋達，停賽至7月6日煞科戰才復出，本來蔡明紹是合適人選，今晨及上周四亦由他負責快試，只是馬主施雅治認為人馬不合拍，與告仔商議過後，決定將今仗帥權交給郭能。