劉德華一連20場演唱會，不經不覺唱到今晚喺第14場。可惜佢因為聲沙要喊住講腰斬今晚表演。用好事多磨嚟形容劉德華今次嘅演唱會絕對唔為過。事關呢個騷原本上年舉行，日期都定好去年底喺紅館表演。可惜去年初華仔喺泰國墮馬，令到演唱會要延期。到去年7月華仔以驚人嘅意志康復。

到今年宣佈重開演唱會，令望穿秋水嘅歌迷喜出望外，自然掀起一陣撲飛熱潮。華仔演唱會門票有價有市，自然引起黃牛黨注意。喺今年9月4日公開發售門票時，已經有唔少市民提前喺售價處外擺凳排位。未等到開售嘅日子，26日凌晨喺柴灣已經發生「劉德華演唱會」排隊購票血案，一名排第二位嘅內地男子，懷疑唔肯讓位畀黃牛黨，遭到報復被人用利刀斬傷手及耳。事後劉德華喺社交網站表達關注，同時宣佈取消排隊買飛，全部改由網上發售。

這次演唱會期間，上周五（21日）有歌迷在觀眾席跳上台，並攬實華仔。到今晚劉德華在開場冇耐，就因為失聲而忍痛宣佈退場，可謂一波三折。

精選娛聞，喺晒《娛果》
http://fb.com/appledailyent