蘇超上周六上演格拉斯哥流浪對些路迪嘅「老廠打吡」，結果格流憑賴恩積克上半場嘅入波，以1:0小勝宿敵些路迪。

今場係兩支蘇格蘭老牌球隊今季嘅第二次對決，些路迪曾經喺九月初嘅對賽中以1:0擊敗格流，不過格流今次返到主場就威返次。格流今場由頭到尾都喺攻勢上佔優，18分鐘夏尼地右路開出角球，些路迪隊長史葛布朗救波心切頂向自己龍門，好彩最後中楣彈出。

不過到31分鐘些路迪終於失守，賴恩積克禁區內接應橫傳起腳，省中史葛布朗之後改變方向入網。格流最終亦都憑呢個入波小勝1:0，呢場除咗喺格流領隊謝拉特首次擊敗「師傅」羅渣士之外，亦都係格流近16次「老廠打吡」首次喺法定時間贏波，對上一次已經要數到佢哋降班前嘅2012年喇！

--------------------
BFB CHAMPIONS 2.0 陪你過聖誕！登入即送應節聖誕鹿球員！累積連續登入可得 ★7保底球探券同免費10抽機會！
http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports