【三成空凳】山竹襲港「吹走」觀眾 小鳳姐感謝Fans冧樹睇騷

蘋果日報 2018/09/17 22:05

颱風徐小鳳山竹金光燦爛徐小鳳演唱會2018
    原定噚晚尾埸嘅「金光燦爛徐小鳳演唱會2018」因遇上超級颱風山竹襲港，主辦直到下午4時半決定將尾埸延期一日，即今晚演出，觀眾可憑16日門票喺今晚原座欣賞，或選擇退票。
    小鳳姐尾場演唱會於晚上八時半開騷，入座率約七成，小鳳姐一出埸獻唱《漫漫前路》，佢唱到中途就話「大家咁惡劣情況下仍然嚟支持我，衷心多謝。」
    之後接住唱《風的季節》，當唱到最後一段副歌時，小鳳姐叫大家同佢一齊將山竹趕走，來個大合唱「吹呀吹，讓這風吹……」小鳳姐再度感激大家支持，佢話：「其實今晚抱著一個戰戰兢兢嘅心態嚟到，之前都好擔心，估唔到見到咁多人嚟，出面滿目瘡痍，呢度井然，好多謝大家。」有男觀眾大叫：「同你風雨同路。」小鳳姐答：「多謝你，我永遠都同你哋風雨同路。」
    小鳳姐再講起今朝路面情況：「今朝一早起身發現原來我屋企條路對出十棵樹冧咗，跟住我就諗今晚點嚟開騷，之後就定咗個方案，我著埋條波波裙，然後由直升機吊嚟紅館。好彩香港速度好快，唔夠兩、三個鐘頭，十棵樹就已經消失無蹤，唔知邊個幫我消失佢哋，非常多謝。」
    精選娛聞，喺晒《娛果》
    http://fb.com/appledailyent
    empty
    攝影：沈健程
    empty
    噚日山竹襲港，尾場順延到今日。
    empty
    小鳳姐又叫大家一齊將山竹趕走，之後合唱「吹呀吹，讓這風吹」。
    empty
    佢話今朝屋企門外有十棵冧樹，以為要着住波波裙搭直升機嚟。
    empty
    受改期影響，今日入場率只係得七成。