當年今日
關於我們

【隊內不和】山神慶祝無人理 亨利又點睇?

蘋果日報 2017/12/29 18:00

水晶宮英超韋舒亞阿仙奴亨利英國足球山齊士

周四嘅英超獨腳戲,阿仙奴靠住阿歷斯山齊士梅開二度,以3:2力克水晶宮,追到同熱刺同分。不過,賽後就有啲風波,全因山神入波之後,竟然無咩阿仙奴隊友上前同佢慶祝。
事緣係山齊士射入第一球之後,被鏡頭捕捉到只有交出助攻嘅拿卡錫迪、奧斯爾、格列沙加同梅斯達菲有上前慶祝,其他隊友都係行返去後半場準備開波。而入第二球個陣,亦唔係好多隊友上前慶祝,反而更多隊友去同交出長傳助攻嘅韋舒亞慶祝,認真古怪。
賽後記者就當然追問領隊雲格,究竟球隊係咪有不和問題,雲格就指自己睇唔到記者講嘅情況,亦否認球隊內部出現不和。不過,有份評述呢場波嘅名宿亨利就持相反意見,佢話山神入第二球個陣,韋舒亞應該走埋去同山齊士慶祝,咁做唔係因為山神入波,而係因為球隊贏波。但最後隊友冇選擇咁做,亦令山神感覺到隊友唔想同佢慶祝,證明大家同有離心嘅山神,已經貌合神離,咁會唔會促使山神一月離隊呢?
--------------------
BFB CHAMPIONS 2.0 聖誕新年活動連環出擊,登入即送傳奇球星「林伯特」! http://bit.ly/2xrTKGM
empty
empty
山齊士射入第一球之後,只見阿仙奴球員分開慶祝。
empty