上半年完結，對全球股市最大改變，係升跌1,000點，等同舊世界的升跌100點。特別係以美國道指為首的點數，到近期調整時，指數一度跌730點，以前係大新聞，但經歷上半年最多跌近三千點後，區區幾百點已冇人有感覺，新聞即使大標題，都冇乜人share，share咗都冇人講。

香港上市ATM，以今年低位計，阿里巴巴（9988）最多升34.13%；騰訊（700）最多升62.67%；美團（3690）彈最多升175.46%。至於美股嘅FAANG，今年低位計最大升幅，臉書升78.84%；阿馬遜升81%；蘋果升75.15%；Netflix升69.61%；Google母公司Alphabat升47.54%。基本上，一隻美團已跑贏其他所有股票，但執行上ATM及FAANG有取捨。

1. 成本問題，如果你只有一萬元派錢計劃作投資，你無奈只能買美股，至少可以持有數股蘋果臉書及Netflix，但如果在港股，ATM各一手成本近十萬，因為一手騰訊已五萬元。

2.ATM的優勢係大雜燴，騰訊幾乎所有互聯網業務都涵蓋，美股則較分明，而且，最重要嘅手機概念，小米（1810）明顯比唔上蘋果，華為就冇上市。

3. 最後，就好似最近 港人 前途問題咁：「如果有30幾萬資金，從ATM換馬至FAANG，歡迎部分資金離開讓香港資本換血，走咗啲冇用嘅錢，留返啲思想正路嘅資金，騰訊換了，騰空嘅股票可以吸納中國資金，令香港成為國家級資金中心」。