【有影響】周秀娜內地工作被取消 坦言︰基於安全同政冶問題
蘋果日報 2019/08/30 15:45
周秀娜
攝影：陳慧安- 她早前傾落的大陸工作，被大會取消。
周秀娜今日到尖沙嘴出席活動，娜姐以開胸西裝褸現身，王曼喜則以透視長裙示人，兩人齊齊晒長腿。娜姐表示久未現身香港公開活動，問她是否因為社會氣氛影響工作量？娜姐坦言：「唔多唔少有影響，我諗唔止呢行，各行各業都有影響，我覺得大家安全最重要。之前傾落返內地嘅工作，大會取消咗，我理解都係基於安全同政冶問題。」近日很多藝人紛紛表態，問娜姐是否因未有表態而被取消工作？她認為不是因為表態問題，應該是安全理由：「我暫時冇呢方面嘅壓力。」
記者笑指娜姐可以趁機專心留港工作，她說：「我不嬲都喺香港做自己嘢，出道到而家都以香港為工作重心。其實喺邊都冇所謂，最緊要做好自己。」至於可有被壓價？娜姐笑指自己向來收合理價：「而家我又有自己工作室，可能大家見我一個女人仔，都冇壓價，就算壓都係合理價錢，大家都明白嘅。我覺得有好project、好劇本，價錢唔係最大問題。」
她透露片約一部接一部，早前趁到泰國拍戲的空檔，才能與家人旅行休息：「而家我都拍緊賀歲片，之後又有兩部網劇。」娜姐表示賀歲片是笑片，問她現時的氣氛還笑得出嗎？她說：「好彩我有啲好拍檔，我哋都係想帶啲歡樂、正能量畀大家，我哋可以做嘅好少。」