打吡大賽日有一個奇景，就係平時好搶手嘅莫雷拉居然唔係出足十場，在今次（21日）打吡賽馬日頭場同第四場都只做觀眾，以莫雷拉一向唔會放過任何上陣機會嘅作風，都算係一個奇景。

莫雷拉頭場一手操開列為後備一、由資深大馬主榮智健擁有嘅「勇闖」（蔡廐），自己落力教馬多時，報名表公佈後未能列正選，雷神唔想益其他人，寧願等一等睇下「勇闖」有冇機會補上。

可惜於昨午（20日）開始受注時冇馬退出，佢喺第四場亦早就卜定列為後備一、呂廐嘅「富存大師」，結果都係補唔出。

莫雷拉喺第二場另一組四班1200米亦幾乎出現相同情況，蔡神仙匹「美麗歡呼」列為後備三，上個禮拜一（15日）報名表公佈後已知道幾乎冇可能補得出。

同場實力馬「悅豐泰」（沈廐）、「佳運財」（希廐）、「神舟時代」（丁廐），甚至「遨遊之星」（容廐）一早落實騎師人選，所以就算雷神即日搵其他馬騎，都難以搵到上風馬。

最終佢就搵到賢廐隻「浩大星輝」，而佢今日騎盡都係得八隻馬，情況亦屬少見！

撰文：林湛穎

-----------------------------

有冇財運 睇你點樣將財富運用

想新一年有財運，當然要識得運用財富，邦民會繼續係你財務上嘅好拍檔！喺 2021年3月1日至2021年3月31日期間新客戶首次提取貸款，可即場獲賞現金高達港幣$3,500▲！

利用轉數快，即使足不出戶，仲可以實現貸款瞬間過數^，星期日都照批★！。

立即申請：http://bit.ly/2ANcJlS

推廣期由2021年3月1日至2021年3月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199