十五歲的阿鳳和十二歲的阿兒，兩人皆生於內地，母親為大陸居民，父親是香港人。小姊妹三年前隨母親來港定居，阿鳳現就讀中二，阿兒則為小五學生。
雖然家境清貧，但能夠一家團聚，阿鳳和阿兒感到十分開心，惟好景不常，家庭接二連三出現危機，令兩姊姊不禁憂心起來。
「屋企嘅事，佢兩個知啲唔知啲，我兩公婆都盡量去解決，最怕就係影響到細路哥。」陳父傷心地說。
五十五歲的陳父，原本任職保安員，四十一歲的妻子則在餐廳當侍應，惟農曆新年前夕，夫婦先後失業，經濟隨即陷入困境。陳父稱︰「以前嘅生活都係繃繃緊，冇錢剩，𠵱家突然間兩公婆都冇嘢做，更加搞唔掂，呢排都要四圍問人借錢開飯。」