郭富城演唱會台底下離奇多了一隻啡色「自來貓」，上周六俾人發現咗，唔知點解當事人選擇通知漁護署捉貓，有人即刻影咗貓貓俾漁護署捉咗放喺籠入面嘅相，相片前日開始喺唔同嘅愛貓群組瘋傳，好多人都話要去救貓。

網民擔心貓貓安危之餘，亦有人留言笑稱：「既然在舞台被找到，如牠是男仔便叫牠『城城』吧~~」

在fb專頁「天下貓貓一樣貓」，有網民一直跟進此事，昨日有網民留言稱同漁護署聯絡過，署方稱貓貓會先留96小時，如果沒有人認領，而有人想領養嘅話，就會通知有興趣嘅人，但大前提要佢哋嘅獸醫認為適合領養。沒有人領養的下場，就只有死路一條。而最新版本是，漁護署稱有人報稱走失貓，特徵同喺城城台底搵到嘅喵星人相若。

咁城城知唔知呢件事？仍然忙於個唱演出嘅城城，原來同經理人小美都係唔知情。小美以短訊回覆《蘋果》稱:「抱歉，我們一直忙綵排，並不知道。之前我們休息(指個唱休期兩日)，我們根本不知道這件事，並不知甚麼單位去報漁護署。」