韓國「國民妹妹」IU近日回歸樂壇，不過卻慘成為新聞人物，事關一名活躍於YouTube嘅韓國男網民喺YouTube直播時，就向IU時講出帶有性騷擾成份嘅言語，即時遭到網民炮轟。

而該名男網民嘅言論都幾大膽，指自己鍾意IU多過自己嘅愛犬，因為佢屋企嘅愛犬唔可以用性器官對住自己，但IU就可以。其他網民就留言叫IU方面起訴佢，但男網民唔知驚話被IU起訴係自己嘅榮幸。不過IU事務所方面就留意到呢位男網民所發出嘅性騷擾言論，並已透過律師方面向警方舉報咗呢位男網民，雖然事後呢名男網民即發片段向IU方面道歉，但IU方面就唔賣賬，決定追究到底。