九年前亞特蘭大奧運會,「風之后」李麗珊第一次上報章頭條,也是《蘋果日報》第一個放上頭條的香港體育界人士。
回想當年,珊珊說:「講真,自己喺九六年冇諗過攞奧運金牌,亦唔知迴響咁大。上報章頭條一向都冇諗過,但係上咗之後,覺得都係好事,可以話畀全香港人知道『我哋係得嘅』。」
提起看報紙,原來有了BB的珊珊,由於怕對報紙有敏感,近七個月都少了讀報,只能上網看。但在懷孕前,每日必看本港各大報章,《蘋果》當然有份。她的習慣是先看體育版,再看港聞同財經。
對於時下的體育版,珊珊忍不住都要「呻吓」:「𠵱家要喺報紙上搵本地體育新聞,唔係咁易;差唔多版版都係賭波,有時重放埋馬經喺體育裏面。就算有本地新聞,都係細細段。」
「香港已經唔係咁多體育明星,如果現役一班年輕選手有好成績都冇人寫,佢哋點會變成一個star呢?希望以後可以有多啲版位報道本地嘅運動員消息,寫多啲佢哋嘅刻苦訓練過程,咁樣對呢班年輕人係一個好大嘅鼓勵。」
彈完之後,珊珊也讚《蘋果日報》體育照片「一級棒」,色彩及版面編排都不錯。
傳真︰2623-9278
電郵︰
[email protected]