時富金融（510）噚日由創業板轉去主板度掛牌上市，唔知係咪因為唔係首次上市，所以場面比較冷清，好多華華嘅行家都冇嚟，主板上市儀式喺9點半開始，華華已經算遲，喺9點25分先到港交所，但時富老闆關百豪（中）同佢老婆（右）、仲有CEO王健翼（左）等都未現身，嘉賓連影都冇。不過遲到好過冇到，最緊要上市儀式順利進行啫，希望時富金融將來股價嘅表現，咪好似噚日咁慢半拍啦。
李潤芳攝