薛凱琪(Fiona)呢期頻頻晒微波，噚晚又嚟喇。佢到尖沙嘴出席公司嘅周年晚宴，著上低胸同露背裝現身，不過就遲大到，要一眾人等埋佢影大合照。唔通為咗谷胸，搞到遲咗……？

記者就笑Fiona係一姐，佢即時話：「唔係，我係妹妹。」Fiona自從加入新公司後就喪露事業線，阿Fi就解釋：「大家幻覺，唔係行性感，我係行內涵，只係想有多啲新嘗試。」咁咪即係行性感囉！