鄭融、官恩娜(Ella)、張繼聰等噚晚喺九展出席「喜力星級大派對」，前歐冠傳奇球星迪西里(MarcelDesailly)亦有參予。

而Ella直認睇足球鍾意睇靚仔，佢話﹕「我鍾意C朗，仲係instagram追蹤佢行蹤，反而男友麻麻地睇波，可能唔鍾意靚仔。」有傳Ella與同公司嘅連詩雅爭寵，麥當勞又嫌佢老改用連詩雅，Ella話﹕「我前幾日先做完佢哋活動，我係熟女，唔會同青春少女爭，大家唔同路線。」問到佢係咪爭歌？佢話﹕「我隻碟錄完，無事喎，同佢間中有互傳短訊，大家好夾。」


逢周五隨《蘋果日報》附送嘅時尚美容雜誌《add》第四期經已出版，大家仲可以上《add》嘅官網 http://add.appledaily.com睇足本網上版。除咗有陳妍希專訪，仲有好多時裝靚嘢睇！