【爆相爆片】
同洪永城被批要趁早拉埋
唐詩詠待嫁 C君擇日

蘋果日報 2017/02/21 05:20

麥玲玲洪永城唐詩詠C君鄭詩君

唐詩詠跟洪永城(Tony)的戀情一向撲朔迷離,直至農曆新年時,他們結伴團拜的相片流出,證明二人並未分手。最近到了地中海拍攝旅遊特輯的Tony,早有準備買了情人節禮物給女友。事實心急的不只男方,女方亦着急婚期,早前找好友鄭詩君(C君)為自己「擇好日子」,似乎想做雞年新娘。

跟玲玲學過

早前有本報讀者梁小姐透過「爆相爆片」,提供了詩詠跟C君到筲箕灣晚飯的相片,梁小姐表示:「嗰晚喺筲箕灣東大街嘅金東大,最初係見到C君一個人坐喺度,隔咗冇耐見到佢啲朋友陸續出現,之後仲見到唐詩詠。」她透露素顏的詩詠跟C君非常好傾。C君稍後接受電話訪問時,大爆當晚詩詠主動提起終身大事,所以順便替她擇日,他說:「我之前有跟過玲玲師傅(麥玲玲)學咗幾道板斧,咪同詩詠講幫佢擇日(結婚)囉,我同佢講,今年係雞年,亦係雙春兼閏月,要結就唔好等!」C君笑言不會有人相信自己跟詩詠傳緋聞:「我平時拖阿婆過馬路,你哋又影唔到,哈哈,好開心呀,今次終於影到我喇,仲要係同唐詩詠傳緋聞。其實嗰晚有四個人一齊去食飯,詩詠介紹我哋去食嘅!」
詩詠回覆本報時透露因為當日有空而約友人晚飯,她反過來表示要同C君擇日:「佢(C君)幫我擇日?我幫佢擇日呀,係佢搵我,我盡人事幫吓佢咁囉!」
麥玲玲接受訪問時表示,今年是詩詠本命年,加上出生月份同流年是天合地合,所以今、明兩年不嫁的話,就要等好多年後才再有機會:「今年詩詠有機會有大喜事,大喜事通常指結婚、生仔或者買樓,如果佢今年結婚,仲有機會添丁。至於洪永城,今年要注意身體,尤其眼睛。感情方面,同樣要同女方有進一步,如果唔係就容易有變化。」Tony在截稿前未有回覆今年會否拉埋天窗。
採訪:王梓嫚