泰國最索變性人阿Poyd迷倒唔少宅男,其實日本都有個「人妖皇后」春菜愛!佢因為扮松浦亞彌而走紅,贏過國際變性人選美冠軍。雖然春菜愛已經42歲,不過都仲好有Market!
前日春菜愛上節目就自爆,0依家同一個年輕企業家約會中。2個月前由圈中朋友介紹而識,目前為止已經約會過10次嘞。雖則就仲未正式拍拖,不過春菜愛已經話想今年之內結婚,之前仲約埋對方去夏威夷跨年,一齊過「1314」添!
其實春菜愛啲桃花運一向都幾勁0架,上年就被傳做小三,搞到日本女星國生小百合離婚。前年出國去好朋友山田優嘅婚禮之後,又自爆邂逅靚仔混血男,不過最後呢段異國戀就不了了之囉!唔通係因為對方知道咗佢變性人嘅身份?!