馬詩慧（Janet）同女兒王曼喜（Kayla）今日去到中環，為珠寶品牌NIRAVMODI新店擔任嘉賓模特兒，Janet配戴鑲有5千多顆鑽石嘅頸鏈出現。Janet話經常會同女兒結伴睇珠寶首飾，佢話:「基本上我哋啲衫都撈亂着，我啲首飾都係留俾啲女。」

Janet指自己收藏嘅首飾並非家傳之寶，只係老公王敏德過往所送嘅禮物，Janet話:「一啲特別日子會送啲鑽飾俾我，好多都係有意思，佢自己有份設計，個仔出世時，佢就送咗3粒紅、藍寶石俾我，代表3個小朋友。」對於馬詩慧比女兒Kayla更性感，Kayla話:「媽咪成日都性感過我。」