【英超】為煞「車」做功課 哥帥成套「武裝」返屋企
曼城車路士哥迪奧拿
英超榜首之師曼城周六將硬撼車路士,知道對手最近走勢亦好,哥迪奧拿點敢怠慢,周四朝早回練習基地督操後,仲畀傳媒拍到佢帶來戰術板同文件返屋企,睇嚟諗住慢慢研究點樣煞「車」。
英超勤工獎應該頒畀哥帥,周四朝早帶領班球員練完波,下午離開基地時,仲帶埋成疊文件離開,睇嚟都知道車仔近期唔惹小,越戰越勇,所以要返屋企再研究下周六點佈陣。當中,佢夾住嗰個戰術板太搶眼,點逃得過記者嘅鏡頭。
曼城家陣同曼聯同分,僅得失球差領先,而車仔亦只係少三分,假如周六作客史丹福橋一輸波,隨時跌落第三。