玩具大王女兒蔡加敏將於周四（27日）下嫁東華前主席馬鴻銘，周日在會展筵開168席，打破會展紀錄，兩人的紅娘黎姿，將會出任姊妹團成員，不過準新娘仍未決定穿那套婚紗。而這對準新人早前在台灣影了多輯結婚照，在瀑布和草原取景。

玩具大王蔡志明女兒蔡加敏，與拍拖不足一年的東華前主席馬鴻銘拉埋天窗，豪華婚禮花費近1,000萬元。蔡家全家是基督徒，一對準新人周四（27日）在中大崇基堂舉行婚禮，周日（30日）在會展筵開168席擺喜酒，據知今次是會展有史以來一晚擺最多酒席的一次，屆時請來陳百祥做司儀，郭富城也會出席婚宴，這對「東華情緣」新人，更會捐出$899,999予東華，結婚不忘做善事。

瀑布取景浪漫

其實蔡加敏和馬鴻銘除卻東華結緣，真正的紅娘其實是黎姿，話說初時，馬鴻銘剛卸任東華總理，蔡加敏剛上任，反而是之後一次朋友間的飯局聯會，黎姿介紹兩人認識，馬鴻銘才全力追求，今次黎姿也會出任新娘的姊妹團。
蔡加敏及馬鴻銘近日忙於籌備婚禮，早前特別抽空去到台北拍攝婚紗相，走到瀑布和花草地取景，蔡加敏昨日在電話中說：「係呀，我哋都好鍾意輯相，因為拍得好自然、好清新。」
對於為何揀台灣，蔡加敏說：「因為我哋都係香港出世，香港嘅景來來去去都係差唔多，我哋想要浪漫啲嘅風景，同埋拍嘅時候都好開心，台灣攝影隊一路影相，一路𠱁我哋笑，令我哋冇咁緊張。其實拍嘅時候有啲位都幾驚險，好似個瀑布，我着住條好大嘅紅裙行出去，地下又潮濕，好彩冇跣親。」

待嫁心情緊張

還有三日就到婚期，蔡加敏表示十分緊張，她說：「好期待又好緊張，𠵱家仲喺屋企執嘢，我有兩套婚紗，不過未知會着邊套。」新郎馬鴻銘則準備了Gucci及YSL禮服。
採訪：DebbieLum