1995年首播嘅《獎門人》系列，當年曾經掀起好長一段時間嘅熱潮，更加曾經引令綜藝遊戲節目嘅發展，喺香港都好受觀眾歡迎，仲一做就做咗十輯到2015年先暫時收手，而節目入面一眾嘅主持亦非常為人熟悉，例如曾志偉、錢嘉樂、林曉峰等，仲有啲係玩遊戲時夠晒投入、而獲邀加入「獎門人家族」例如金剛、王祖藍等等。

上述幾位喺香港綜藝節目界都非常有名氣而且有觀眾緣，但係唔知觀眾又有冇發現最近幾年喺大台嘅綜藝節目都好難搵到佢哋嘅踪影呢？有傳就因為曾志偉同掌管綜藝科嘅余詠珊有啲「意見不合」，搞到成個獎門人家族被消失，全部冇份玩，綜藝節目全部大換班，最新消息指今次中伏嘅就係金剛！而其他人最近望落又真係冇乜出現喺大台上。

曾志偉
志偉哥自從盛傳同大台高層有不和之後，連一路以嚟做開嘅港姐主持都唔撈，今年兩齣有份拍嘅電視劇都係大陸嘢。

錢嘉樂
武行出身嘅錢嘉樂本來拍劇已經唔算太多，最近一套大台劇係2015年嘅《拆局專家》之後都冇乜影，綜藝節目更加唔見人。

林曉峰
一向都非常talk得嘅林曉峰自從2016年主持完《我愛香港》之後就冇乜出現於幕前。

王祖藍
自從喺大台台慶求婚成功之後，王祖藍已經將事業重點由大台轉向大陸，實行發展13億市場。