港府硬推《逃犯條例》修訂，保安局局長李家超更指法律界因「誤解」，以致反對修例。面對惡法修例殺到埋身，《蘋果》即日起找來法律界權威人士，將每日為大家解釋對修例的看法，逐點反駁李家超「誤解論」。

今日就由資深大律師梁家傑，戮破《逃犯條例》修訂的謊言。

問題：政府聲稱移交安排由特首啟動、法院判定，具雙重把關功效，現有安排下，兩個所謂關卡真正可以保障香港人權？

梁家傑：特首係妹仔嚟嘅、香港係特區嚟嘅，升起緊五星紅旗嘅，所以你話要靠特首把關呢，就真係廢話，呢個（修訂）同兩個主權國之間，咁高咁大下去定一個引渡協議，係兩碼子事啦。

至於你話法官把關，你叫我同你看住個門口，但你鎖匙都唔畀我，咁我點同你看門口呢？我哋啲議員咪叫佢（港府）將《國際人權公約》所規定嘅人權保障，作為一個法庭拒絕引渡嘅理由，如果你肯白紙黑字，肯喺《逃犯條例》寫明，法庭可以用「申請引渡國不能提供《國際人權公約》規定嘅人權同程序保障」作為理由唔送中呢，我就覺得你係畀咗法庭一個把關嘅鎖匙喇。

大家知道喇，《基本法》22條夠白紙黑字喇（禁止中央人員干預香港內部事務），而家咪又係日日（中聯辦主任）王志民喺度操盤、喺度指揮若定，你亦都睇到《中英聯合聲明》佢（中國外交部）兩、三年前已經話無咗、係歷史文件，（所以）邊有人信你（中央政府）嘅啫，寫一套做一套；我都好服李家超㗎，可以面不紅、耳不赤，將中共寫嘅條文照本宣科咁讀。

相關新聞：【不斷更新】全港大中小學學界聯署「反送中」
昔日新聞：
電視辯論互叫熄咪 曾：你係撕裂2.0 林鄭：會順應民意辭職

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

【民陣6.9反惡法遊行】

日期：6月9日（日）
集合地點：維園草地
時間：下午2時30分集合，3時正起步
遊行路線：維園草地遊行至金鐘添美道立法會
（資料來源：民陣）
---------------------------
【六四30】守住歷史 拒絕遺忘
https://hk.adai.ly/zdzKtt2RiW