滙豐零售銀行及財富管理業務見習行政人員計劃為期兩年，其中包括到四個部門實習，每次長6個月。一般而言，完成計劃後，MT就會去零售銀行及財富管理業務內工作。

一班MT能夠脫穎而出，當然唔止做好一份工咁簡單。好似Kenny、Sharin同另外4位MT完成首個部門實習後，就發現老一輩客戶好多時都掌握唔到數碼產品，所以主動提議推動「數碼老友記（Cyber Seniors）」義工活動，向社區中心捐助電腦之餘，仲抽時間去社區中心教長者上網同電腦知識。

Kenny舉例，好似教婆婆用google map都用咗20分鐘，不過只要俾耐性同不斷重複，其實長者要學識都唔難。

滙豐香港零售銀行及財富管理業務主管欣格雷都話，真係好滿意呢班MT表現，所以公司好樂意俾資源佢地。Sharin透露，目前滙豐已經捐咗250件電子產品畀一班長者，涉資約70萬元，受惠人數超過1.5萬人，遍及12個社區中心。

未來幾個月，佢地仲計劃招攬超過60位滙豐義工，希望可以同長者上超過130堂，達到480個小時義工時數。

蘋果財經，關心你飯碗
http://fb.com/appledailyatm