前粵語片演員杜平今日80歲大壽，噚晚喺香格里拉搞生日會，宴請親友，佢同太太現身會場招呼親友，擺咗約12圍。

王祖藍夫婦都有到賀，王祖藍專程由北京返港，出席完杜平生日會又立即返回北京，王祖藍受訪時透露同杜平係拍旅遊節目識，每次佢返香港，祖藍都會同大家聚一聚。問佢有冇送禮?祖藍話:「今日準備唔切，所以都係人情啦。」

問祖藍同老婆亞男係咪以後長住大陸?祖藍話:「會喺上面工作，一有時間就會返港，都會好掛住屋企。」李亞男附和:「係呀，就算大陸有屋都未必會住，O依家老公突然轉做我老闆。」問佢O依家係咪老公安排工作?佢話:「係o架，今年擦佢鞋都多咗。」祖藍即話:「你都係董事之一，又係旗下演員，你對我唔好我雪你呀。」祖藍話o依家已經喺北京有工作室，係屬於邵氏旗下，未來會再有公佈。